Roma thuhet se është në prag të nënshkrimit të mbrojtësit të Manchester Unitedit në huazim të paguar, por me një detyrim blerje për 12 milionë euro verën e ardhshme.
Gazetari i Sky Sport Italia, Gianluca Di Marzio pretendon se Giallorossët kanë arritur të negociojnë çmimin e kërkuar pas negociatave të vazhdueshme me Unitedin.
Roma solli Smalling me huazim me pagesë përpara sezonit 2019-20 me një mundësi për të blerë lojtarin për 20 milionë euro këtë verë.
Por, Di Marzio raporton se Roma ka arritur të marrë një zbritje dhe do të nënshkruajë 30-vjeçarin në një huazim tjetër të paguar.
Megjithatë, kësaj radhe huazimi ka obligime blerje prej 12 milionë eurosh verën e ardhshme.
Klubi thuhet se ka përgatitur një marrëveshje tre-vjeçare për ish-reprezentuesin e Anglisë. /Telegrafi/