Skandal i ri i Infantinos: UEFA i pagoi dëmshpërblim gjashtëshifror për ndërprerjen e punës të dashurës së dyshuar
UEFA i ka paguar një shumë gjashtëshifrorë dëmshpërblimi një punonjëseje, pasi ajo dyshohet se është ndarë nga Gianni Infantino ndërsa ai ishte sekretar i përgjithshëm i organizatës. Infantino është tani kreu i FIFA-s dhe pagesa, sipas gazetës britanike The Telegraph, ka ndodhur ndërsa ai punonte për organin drejtues të futbollit evropian.
Gazeta The Telegraph pohon se punonjësja u ngrit në detyrë në pozicionin e drejtoreshës përpara se të largohej, gjë që ia rriti pagën me 30 përqind, në rreth 170,000 euro. Kjo dyshohet se ndodhi ndërsa marrëdhënia ishte ende në vazhdim.
Sipas të njëjtave informacione, presidenti i atëhershëm i UEFA-s, Michel Platini, e përballi Infantinon në lidhje me marrëdhënien. Biseda rezultoi në pranimin e punonjëses për t'u larguar nga organizata me pagesë për ndërprerjen e kontratës.
Thuhet gjithashtu se Infantino e ka ndihmuar të gjejë një punë të re në një sektor të lidhur me të. Si pjesë e marrëveshjes, UEFA pagoi edhe për studimet e saj në MBA, të cilat kushtojnë rreth 52,000 euro në vit. Financimi për studimet, raporton The Telegraph, ishte gjithashtu pjesë e paketës së saj të largimit.
Uefa paid off an alleged mistress of Gianni Infantino while he was its general secretary, The Telegraph can disclose.
The woman received a six-figure sum after the alleged relationship with Mr Infantino while he was a top official at European football’s governing body.
Read our… pic.twitter.com/GIpxo8cVEC
— Telegraph Football (@TeleFootball) August 7, 2026
Reagimet nga UEFA dhe FIFA
UEFA konfirmoi për The Telegraph se pagesa e ndërprerjes së kontratës dhe shpenzimet e studimit ishin paguar. Ata gjithashtu pranuan se ishin në dijeni të akuzave për marrëdhënien e një punonjëse me Infantinon.
"Pagesa ishte në përputhje me rregulloret në atë kohë për stafin që largohej nga organizata", tha UEFA në një deklaratë. Ata shtuan se që atëherë i kishin shtrënguar rregullat e tyre për t'i sjellë ato "në përputhje me kërkesat e një organizate moderne dhe me reputacion të mirë".
Nga ana tjetër, FIFA ka reaguar fuqishëm. Një zëdhënës i Infantinos i tha The Telegraph se presidenti "i hedh poshtë kategorikisht akuzat e rreme".
"Çdo sugjerim për sjellje të papërshtatshme ose shkelje të statuteve dhe rregulloreve është shpifës", shtoi ai. Ai arriti në përfundimin se "të gjitha hapat që lidhen me punonjësit, përfshirë pagesat e ndërprerjes së kontratës, janë miratuar gjithmonë nga drejtorët përkatës në përputhje me të gjitha rregulloret në fuqi".
UEFA have confirmed that they are aware of an allegation that European football's governing paid off an alleged mistress of Gianni Infantino.
The Telegraph are reporting that while Infantino was general secretary at UEFA, a woman who was allegedly in a relationship with the now… pic.twitter.com/u42G3OHLS9
— Sky Sports News (@SkySportsNews) August 7, 2026
Konteksti i rastit
Akuzat vijnë vetëm disa ditë pasi Infantino u detyrua të ndalonte planet për të privatizuar një pjesë të Kupës së Botës, një propozim që ka shkaktuar përçarje të mprehta në qarqet e futbollit.
Infantino, një zyrtar zviceran i sportit, kaloi 16 vjet në UEFA përpara se të zgjidhej president i FIFA-s në vitin 2016. /Telegrafi/