Situatë e pazakontë në Aeroportin e Sarajevës - macja e një pasagjereje arratiset gjatë kontrollit të sigurisë

Udhëtarët në Aeroportin Ndërkombëtar të Sarajevës u përballën me një situatë të pazakontë.

Bëhet fjalë për një ngjarje të ndodhur të hënën, më 22 dhjetor, gjatë kontrollit të sigurisë, kur macja e një pasagjereje u arratis brenda terminalit.

Sipas Aeroportit të Sarajevës, pasagjerja refuzoi fillimisht ta nxirrte kafshën nga kutia e transportit, gjë që është e detyrueshme sipas procedurave të sigurisë.

Pasi macja u nxor nga vetë pronarja, ajo u largua dhe u fsheh në hapësira teknike të aeroportit.

Aeroporti thekson se rasti nuk përbën incident sigurie dhe se veprimet janë kryer në përputhje me rregulloret ndërkombëtare.

Pasagjerja për pasojë humbi fluturimin. /Telegrafi/