Manchester United ka marrë një pikë shumë të vështirë ndaj Sheffield Unitedit në kuadër të javës së 13-të në Ligën Premier.
Djajtë e Kuq barazuan me rezultat 3-3, e që një gjë e tillë pak pritej të ndodhte, sidomos kur kishin mbetur edhe pak sekonda nga koha shtesë.
Të parët ishin vendasit që kaluan në epërsi qysh në minutën e 19-të me anë të John Fleck, e që me këtë rezultat përfundoi pjesa e parë.
Lys Mousset (52’) ishte ai që e dyfishoi epërsinë e Sheffieldit me një asistim nga Fleck, për të filluar më pas spektakli i United.
Golin e parë për skuadrën e Ole Gunnar Solskjaer e shënoi Brandon Williams në minutën e 72-të, ndërsa pesë minuta më vonë Mason Greenwood e e barazoi rezultatin në 2-2 nga asistimi i Marcus Rashford.
Më pas sulmues anglez ndryshoi rolin nga asistues në golashënues, për ta përmbysur rezultatin dy minuta më vonë nga asistimi i Daniel James.
Kur u mendua se Unitedi po fiton 2-3, Oliver McBurnie (90+1') i barazoi shifrat për t'i fituar kështu skuadrës së tij një pikë të artë.
Pas javës së 13-të, Manchester Unitedi është ngritur në pozitën e nëntë me 14 pikë, gjersa në xhiron e 14-të do ta presë Aston Villën. /Telegrafi/