12/08/2018
Mohamed Salah ka shënuar gol në ndeshjen hapëse të Ligës Premier që Liverpooli e luan në shtëpi ndaj West Hamit.
Liverpooli ka gjetur shpejt golin e epërsinë në ndeshjen e parë të sezonit të ri ndaj Çekanëve londinez.
Është ylli kryesor i skuadrës, Salah, i cili ka shënuar nga afërsia për epërsinë 1-0.
Goli i sulmuesit egjiptian erdhi në minutën e 19-të të ndeshjes.
Ky gol u asistua nga mbrojtësi i krahut të majtë, Andrew Robertson.
Ndryshe, Salah në sezonin e kaluar fitoi Këpucën e Artë në kampionatin anglez.
Egjiptiani shënoi 32 gola në 36 ndeshje të luajtura në sezonin e parë me Reds. /Telegrafi/