Mohamed Salah ka vazhduar me rekorde në Ligën Premier dheemri i tij tani do të përmendet në historinë e kampionatit anglez.
Liverpooli ka barazuar në udhëtim te West Bromwich Albion me rezultat 2-2 në ndeshjen e vlefshme për javën e 35-të në Ligën Premier.
Në këtë ndeshje shënoi gol i përhershmi Salah arrin në shifrën e 31 golave duke e fut veten në analet i historisë në kampionatin anglez.
Ylli i Liverpoolit ka barazuar rekordin e Cristiano Ronaldos, Alan Shearerit dhe Luis Suarezit për gola brenda një sezoni në Ligën Premier.
I pari kishte këtë rekord Sheareal në sezonin 1995/96, duke u barazuar nga Ronaldo në sezonin 2007/08 dhe Suarez në sezonin 2013/14.
Salah ka gjasa të mira ta thyej këtë rekord në tri ndeshjet e mbetura në Ligën Premier, duke vendosur pastaj një rekord të ri në formatin e ri të Ligës Premier.
Andy Cole dhe Shearer mbajnë rekordin e përgjithshëm me nga 34 gola për një sezon në sezonet 1993/94, respektivisht 94/95, por atëherë formati i vjetër i kampionatit i kishte 42 ndeshje.
Ndryshe, Salah është në rrugë për ta thyer edhe rekordin e legjendës së Liverpoolit, Ian Rush, i cili kishte shënuar 47 gola në të gjitha garat, ndërsa egjiptiani momentalisht ka 41 gola. /Telegrafi/