Rrëfehet Angelina Jolie: Kam vuajtur përkrah Brad

Angelina Jolie ka vendosur të ndajë me publikun ndjesitë e krijuara gjatë xhirimit të filmit “By The Sea”.

Ajo është ndalur kryesisht tek të luajturit përkrah bashkëshortit të saj, Brad Pitt.

Sipas aktores 40-vjeçare, ishte shumë e vështirë të argumentonte dhe të grindej me Pitt, gjatë realizimit të skenave që kishin si subjekt një çift të palumtur.

Angie madje ka rrëfyer se skenat e zënkave ishin të sikletshme për të gjithë stafin realizues të filmit. Çiftit iu desh të improvizonin një shtëpi ku prindërit grinden si zakonisht, në mënyrë që puna të ishte më e thjeshtë!