Roma ndalet nga Sassuolo, bën hap fals drejt Evropës

Roma ka barazuar si mysafir me Sassuolon me rezultat 2-2 në kuadër të javës së 29-të në Serie A.

Vendasit kishin rastet më të mira në start, por që nuk arritën të shënonin.

Roma fitoi penallti në minutën e 25-të, ku nga pika e bardhë doli të jetë i saktë Lorenzo Pellegrini për 1-0.

Ky ishte goli i vetëm në pjesën e parë.

Në pjesën e dytë Sassuolo e gjeti golin e barazimit.  Hamed Traore shënoi për 1-1.

Roma e ktheu epërsinë në minutën e 69-të, kur Stephan El Shaarawy shënoi për 2-1.

Sassuolo e barazoi rezultatin në minutën e 85-të, kur Giacomo Raspadori shënoi për 2-2.

Roma mbetet në pozitën e shtatë me 51 pikë, ndërsa Sassuolo është e nënta me 40 pikë. /Telegrafi/