Pas tetë viteve qëndrim në Londër, Jan Vertonghen do të largohet nga Tottenham Hotspur.
Mbrojtësi belg është pjesë e klubit londinez që nga vera e vitit 2012, por tani po largohet si futbollist i lirë.
Kontrata e Vertonghen skadon në verë dhe ai nuk ka arritur marrëveshje për një kontratë të re me klubin.
E ardhmja e lojtarit duket se do të jetë në kampionatin italian Serie A, ku Roma duket se ka fituar garën për të.
Giallorosët janë të gatshëm t’i ofrojnë kontratë tri vjeçare belgut me një pagë vjetore prej rreth katër milionë euro.
Vertonghenin e tërheq ideja për të luajtur në Serie A, por ende i pavendosur se ku do të nënshkruajë pasi edhe Interi e kërkon atë.
Gjithsesi për lojtarin mbetet në garë edhe ish-skuadra e tij Ajax, por duket se belgu ka vendosur të provojë një eksperiencë në Serie A para se ta mbyll karrierën me gjigantin holandez. /Telegrafi/