Roboti humb kokën, por vazhdon të luftojë si të mos kishte ndodhur asgjë - pamje

Turneu i parë në botë i luftimit me robotë humanoidë nisi në Shenzhen të Kinës, pasi një nga robotët garues humbi kokën gjatë një ndeshjeje, por vazhdoi të luftonte.

Incidenti ndodhi gjatë natës hapëse të konkursit Ultimate Robot Knock-out Legend (URKL), të organizuar nga kompania kineze e robotikës EngineAI.

Një video që po bëhet virale në rrjete sociale tregon robotin e dëmtuar duke vazhduar të godasë me grushte dhe shqelma pavarësisht se koka e tij varet lirshëm.

Në ndeshje morën pjesë dy robotë humanoidë EngineAI T800, White Eagle dhe Matador.

White Eagle festoi fitoren me një sërë lëvizjesh vallëzimi dhe pozash fitoreje përpara se zyrtarët ta largonin robotin e mundur nga arena.

Çfarë është T800?

EngineAI zbuloi robotin humanoid T800 vitin e kaluar, emri i të cilit është frymëzuar nga personazhi ikonik i Terminator.

Kompania e ka shfaqur robotin duke kryer një sërë lëvizjesh të frymëzuara nga artet marciale të përziera, duke përfshirë kombinime grushtesh dhe goditje me shkelm. /Telegrafi/