Mbrojtësi i majtë i Liverpoolit, Andy Robertson, u detyrua të mos luante në pjesën e dytë kundër Barcelonës, për shkak të një lëndimi të cilin ia shkaktoi Luis Suarez.
Pas ndeshjes, ai është pyetur lidhur me këtë çështje, por nuk i ka dhënë aspak rëndësi.
"Kush po shkon në finale? Ne po shkojmë. Vetëm kjo ka rëndësi. Gini (Georginio Wijnaldum) hyri në vendin tim dhe i shënoi dy gola. Nuk më intereson tash".
"E kam thënë shumë herë këtë sezon se vetëm skuadra ka rëndësi. Ne besojmë. Njerëzit na përjashtuan (pas humbjes në Camp Nou). Por, ne besuam se nëse ia nisnim mirë, do t'ia dilnim".
"Alisson ka bërë disa pritje të pabesueshme. Të lutemi. Po shkojmë drejt të dielës përplot energji. Nuk varet nga ne, por kemi parë gjëra më të çuditshme duke ndodhur. Sidomos sonte (e martë)", ka thënë Robertson për BT Sport. /Telegrafi/