Reali i bashkohet garës për Van de Beek, gati të bëjë një ofertë më të lartë se PSG për mesfushorin holandez
Pas Frenkie de Jong e Matthijs De Ligt, Ajaxi pritet që të fitojë shumë para edhe nga shitja e Donny Van de Beek.
Mesfushori i talentuar holandez ka shkëlqyer këtë edicion me fanellën bardhekuqe në Eredivisie dhe në Ligën e Kampionëve.
Në 53 ndeshje zyrtare këtë edicion, Van de Beek ka shënuar 16 gola dhe ka dhuruar 11 asistime.
Kjo ka bërë që Paris Saint Germain të bëjë një ofertë zyrtare në drejtim të Ajaxit prej 50 milionë euro.
Por lajmet e fundit që vijnë nga Spanja raportojnë se garës për mesfushorin holandez iu ka bashkuar edhe Real Madrid.
Kampionët aktual të Evropës po e duan Van de Beekun dhe janë gati që të ofrojnë 60 milionë euro për ta mposhtur konkurrencën e PSG-së.
Gjithsesi interesim për mesfushorin kanë shprehur edhe Roma, Inter, Napoli, Milan e Arsenal, por duket se gara për të nënshkruar me të do të jetë mes Realit dhe Parisit. /Telegrafi/