Real Madridi është këndellur në garë më të fortë në Evropë, atë të Ligës së Kampionëve, duke fituar bindshëm ndaj Galatasarayt me rezultat 6-0.
Ndeshja nisi në mënyrën më të mirë për mbretërit, duke shënuar dy herë në shtatë minutat e para.
Ishte Rodrygo që shënoi dy herë në minutat 4 dhe 7 pas asistimeve të Marcelos.
Dilemën e fituesit e zgjodhi Sergio Ramos kur shënoi nga penalltia në minutën e 30-të për 3-0.
Por nuk u mbyll me kaq pasi që Rodrygo asistoi te Karim Benzema në minutën e 45-të për 4-0.
Pjesa e parë u mbyll me këtë rezultat.
Në pjesën e dytë Real Madridi më shumë e ruajti epërsinë e krijuar, duke tentuar herë pas herë të shënojë edhe ndonjë gol.
Karim Benzema shënoi edhe një herë në minutën e 81-të për 5-0. Rodrygo e kompletoi het-trikun e tij në kohën shtesë për 6-0.
Me këtë fitore Real Madridi tani ka 7 pikë dhe është në vendin e dytë. /Telegrafi/
https://twitter.com/feuille_match/status/1192198494301372417