Kryeministri Edi Rama ndodhet për vizitë në Maqedoni të Veriut, ndërkaq në një konferencë për media me homologun maqedonas, Dimitar Kovaçevski tha se ka shpresë që kryeministri i Kosovës, Albin Kurti nuk e ka harruar Kanunin se kur të vjen në shtëpi edhe hasmit i hapet dera.
Rama pas vizitës në Maqedoni të Veriut, sot do të jetë për vizitë edhe në Kosovë ku do të takohet me presidenten e vendit, Vjosa Osmani dhe kryeparlamentarin Glauk Konjufca.
“Në Kosovë kur të shkoj unë kam akoma shpresë se Albini nuk e ka harruar Kanunin që kur të vjen në shtëpi edhe hasmit i hapet dera dhe është e ndaluar që ta nxjerrësh deri kur ai të mbarojë fjalën”, u shpreh Rama gjatë një konference në Maqedoni të Veriut.
Ndryshe, në agjendën e publikuar nga Rama, takimi me Kurtin është lënë “në pritje të konfirmimit”. /Telegrafi/