Deputeti Anton Quni në mbledhjen e komisionit hetimor për rastin e dëbimit të shtetasve turq, i është drejtuar Thaçit duke i thënë t'i përgjigjet pyetjeve.
"Zoti president unë kam pyetjet e mija. Lidhjet që i paske ti me disa deputet këtu nuk më interesojnë. Kam pyetjet e mija nëse don përgjigju. Unë e kuptoj që ju jeni frikësuar në luftë, se kuptoj përse frikësoheni në paqe", ka thënë Quni, Thaçit.
Presidenti Thaçi thotë se Komisioni Hetimor ka bërë shkelje të ligjit duke angazhuar ekspert të huaj
Presidenti Hashim Thaçi i është drejtuar Qunit duke i thënë se kush është tut e kush jo e dinë krejt bota.
"Frikacak dihet kush ka qenë, e dini edhe ju por jam duke ju kursyer. Kërkoj vetëm të interpretohet neni 21. Fyerjet që i keni nuk i dëgjoj, kush u tut, kush nuk u tut e di krejt bota. Kush i ka dorëzuar 4 mijë armë për një vikend të gjithë e dinë", ka thënë Thaçi.
Deputeti Quni i është përgjigjur duke i thënë se Thaçi e din se çfarë thonë ushtarakët serb.
"Ju e dini çka thonë ushtarakët serb se ku e kanë përjetuar Vietnamin, ku e kanë përjetuar ferrin, e ku luftën e Kosovës", ka thënë ai./Telegrafi/