Prishet autobusi dhe udhëtarët mbetën në mes të rrugës, Trafiku Urban nuk jep sqarime për rastin që ndodhi në Prishtinë

Disa qytetarë që ishin duke udhëtuar me autobusin e 'Trafikut Urban', kanë mbetur në rrugë ditën e enjte.

Në pamjet që kanë arritur në redaksinë e Telegrafit, shihet se udhëtarët janë detyruar të zbresin nga autobusi, e gjithë kjo duket se ka ndodhur për shkak të një prishje.

Rasti ka ndodhur në lagjen "Bregu i Diellit".

Lidhur me rastin, Telegrafi ka tentuar të marrë disa sqarime nga Trafiku Urban, por të njëjtit nuk janë përgjigjur, duke mos dhënë fare përgjigje për situatën e krijuar, ditën e enjte./Telegrafi/