Policia e Kosovës identifikon personin e dyshuar për vjedhje në Malishevë
27/01/2026
Drejtoria Rajonale e Policisë në Gjakovë njofton se pas publikimit më 26 janar 2026 të video-incizimeve dhe fotografive për identifikimin e personit të dyshuar lidhur me rastin e vjedhjes në Stacionin Policor Malishevë, është arritur të identifikohet i dyshuari.
Policia ka falënderuar qytetarët për bashkëpunimin e treguar, duke vlerësuar se ky bashkëpunim është thelbësor për parandalimin dhe luftimin e veprave penale.
“Policia e Kosovës mbetet e përkushtuar në garantimin e rendit dhe sigurisë publike, duke vepruar gjithmonë në përputhje me ligjin dhe me respektim të të drejtave të njeriut”, thuhet në njoftim. /Telegrafi/