Polestar rikthen butonat fizikë: Shoferët janë lodhur nga ekranet me prekje

Blerësit e veturave po lodhen qartë nga ekranet me prekje, prandaj gjithnjë e më shumë prodhues po rikthejnë kontrollet fizike.

Polestar u lansua me një interier jashtëzakonisht minimal, me pothuajse gjithçka që kontrollohet përmes ekranit qendror me prekje (përveç butonit të volumit).

Por tani, edhe marka suedeze e automjeteve elektrike po tërhiqet nga kjo qasje.

CEO i Polestar, Michael Lohscheller, tha se kompania mban kontakt të ngushtë me klientët dhe reagimet kanë qenë mjaft të drejtpërdrejta: njerëzit duan më shumë butona.

"Klientët janë shumë të hapur në lidhje me kontrollet prekëse. Ata thonë duam më shumë butona. Është kaq e thjeshtë. Dhe po, do të bëjmë butona", deklaroi Lohscheller.

Përditësimi i parë thuhet se do të vijë me një version të rifreskuar të Polestar 3 vitin e ardhshëm. /Telegrafi/