Kupa e Amerikës do ta ketë një kampion të ri pasi që Kili ka pësuar humbje gjatë orëve të para të ditës së sotme.
Kilianët nuk kanë arritur të përsërisin suksesin e para dy vjetëve pasi që një hap para finales kanë pësuar humbje kundër Perusë me rezultat të thellë prej 3-0.
Megjithëse posedimi i topit i takoi kombëtares së Alexis Sanchez, para portës më të suksesshëm ishin peruanët.
Këta të fundit në epërsi erdhën pas një aksioni ë rrjedhshëm, kur Edison Flores realizoi gol në të 21-tën minutë pas asistimit të Andre Carillos.
Ky i fundit sërish bëri rolin e asistuesit në të 38-tën minutë tek Yoshimar Yotun, i cili realizoi golin e dytë për kombëtaren e tij.
Në pjesën e dytë, kilianët u munduan që ta kthejnë rezultatin, por nuk arritën ta bëjnë një gjë të tillë.
Paolo Guerrero u përkujdeset për t'i dhënë goditjen e fundit kilianëve në kohën shtesë të 90 minutë, kur realizoi gol dhe vulosi rezultatin përfundimtar 3-0.
Ndryshe, Peru në finale do të takohet me kombëtaren braziliane, e cila në gjysmëfinale ka mposhtur argjentinasit. /Telegrafi/