Në Beograd ka përfunduar protesta e nëntë radhazi e opozitës e mbledhur rreth koalicionit “Serbia kundër dhunës” dhe qytetarëve.
Protesta, e cila u zhvillua për shkak të parregullsive zgjedhore, kishte nisur para selisë së Komisionit Republikan të Zgjedhjeve (RIK), nga ku kolona e protestuesve ka shkuar drejt Pallatit të Drejtësisë.
Kërkesa kryesore është lirimi i studentëve, rreth 30 prej tyre, të arrestuar pas protestës së zhvilluar të dielën, raporton danas.
Ndryshe, parregullsitë zgjedhore dhe mosreagimi i institucioneve ndaj pretendimeve të opozitës kanë qenë shkak që nënkryetarja e Partisë Liri dhe Drejtësi dhe deputetja e popullit në mbledhjen e kaluar të Kuvendit, Marinika Tepiq, të fillojë grevë urie.
Ajo nuk ka ngrënë për të nëntën ditë dhe është ndjekur nga disa përfaqësues të opozitës që kërkojnë anulimin e zgjedhjeve.
Ndryshe, sonte për herë të parë është mbajtur protestë edhe në Kralevë. /Telegrafi/