Parashikimi i motit në Shqipëri
10/01/2024
Këtë të mërkurë në territorin e Shqipërisë do të mbizotërojë mot i kthjellët, ndërkohë që do të vazhdojë rënia e temperaturave.
Do të ketë prezencë ngricash të forta në akset rrugore, kryesisht përgjatë relieveve malore si dhe mjegull e mjegullinë në zonat luginore.
Era do të fryjë me drejtim verilindje- veriperëndim me shpejtësi mesatare 1-5m/s, ndërsa në bregdet era arrin shpejtësi deri 11m/s duke bërë që valëzimi në dete të jetë i forcës 1-3ballë.
Temperaturat parashikohen në zonat malore -4 deri 4 gradë Celsius, në zonat e ulëta 0 deri 11 gradë Celsius dhe në zonat bregdetare 2 deri 12 gradë Celsius. /Telegrafi/