Ka një javë që qarkullojnë lajmet se ka pasur një përplasje të mundshme mes kunatave të famshme të Pallatit Mbretëror në Angli, Kate Middleton dhe Meghan Markle.
Në shkrimet e publikuara në shtypin anglez u pretendua se mes tyre ka pasur tension dhe "grindje".
Si rrallë herë, Pallati i Buckingham-it ka dalë me një deklaratë për të komentuar këtë çështje private brenda familjes, ndërsa e ka cilësuar si lajm të rremë.
"Kjo nuk ka ndodhur kurrë", kanë thënë zyrtarët e Pallatit për The Mirror .
Gazetari Dan Wootton nga The Sun shkroi se burime të shumta i thanë atij se incidenti i Kate-Meghan ndodhi para martesës së Meghanit me Princin Harry.
Një burim "mbretëror" tha se Kate i tha Meghanit gjatë përgatitjeve të dasmës "kjo është e papranueshme, ata janë stafi im dhe unë flas me ta". Dhe që nga ajo kohë marrëdhëniet mes tyre u prishën", thoshte burimi.
Ndërkohë, fakti se mes tyre nuk ka krizë, e tregon edhe prononcimi i Kate për shtatzëninë e Meghanit, ku e njëjta ishte shprehur se ndjehet e lumtur për kunatën e saj.
Demantimi i Pallatit vjen disa orë pasi Vanity Fair njoftoi se Meghan beson se shtypi britanik është duke kryer një gamë të gjerë fushatash shpifëse kundër saj.
"Ajo është e vetëdijshme për lajmet dhe çfarë po ndodh, ajo përpiqet më së miri të mos lexojë të gjitha tregimet për të", ka thënë një burim i korrespondentit mbretëror të Vanity Fair, Katie Nikol.
Meghan ka thënë më parë se ajo nuk lexon lajme për të, në përgjithësi. Meghan i tha Vanity Fairy-it verën e kaluar se nuk i lexon shkrimet rreth saj.
"Nuk lexoj asnjë gjë në shtyp. Unë nuk kam lexuar edhe shtypin e modës. Njerëzit që janë pranë meje, më spikasin dhe e dinë se kush jam unë. Pjesa tjetër është thjeshtë zhurmë", kishte deklaruar ajo. /Telegrafi/
