Artistja shqiptare me famë botërore, Bebe Rexha, është e pëlqyer nga miliona fansa në mbarë botën.
Këngët e saj janë dëgjuar në gjithë globin, gjersa është shquar gjithmonë për thjeshtësinë dhe komunikim e hapur që ka me fansat e saj në rrjetet sociale.
Si rrjedhojë, nuk heziton që herë pas here t’i përgjigjet ndonjë statusi interesant të ndonjë fansi në rrjetet sociale dhe një gjë të tillë e ka bërë së fundmi.
Një ndjekëse e artistes nga Finlanda, shkroi një status në rrjetin social Twitter, duke treguar se si mbrëmë (e martë) kishte parë ëndërr sikur e kishte shoqe të ngushtë artisten 30-vjeçare.
“Natën e kaluar pash një ëndërr sikur Bebe Rexha ishte shoqja ime më e mirë”, shkroi fansja e këngëtares shqiptare në Twitter.
Dhe me të parë këtë, Bebe Rexha vendosi që t’ia rishpërndajë statusin fanses në faqen e saj zyrtare në Twitter, e cila ndiqet nga 1.8 milion ndjekës.
“Përshëndetje shoqja ime”, ishin fjalët me të cilat Bebe Rexha shoqëroi statusin e ndjekëses, duke ia bërë kështu “ëndrrën realitet” ndjekëses, që donte ta kishte shoqe artisten shqiptare.
E lumtur për këtë që këngëtarja idhull e saj bëri, fansja finlandeze shkroi sërish një status duke treguar ëndrrën e plotësuar.
Literally made my dream reality omg
— v (@eunevanoomyenoh) June 17, 2020
“Në njëfarë mënyre e bëri ëndrrën time realitet”, shkroi ajo në Twitter. /Telegrafi/
