Njihuni me Na’Vi, ekipin numër një të botës në CS:GO

Gjithçka rreth formacionit të ekipit Na’Vi dhe sukseseve të tyre gjatë vitit 2021/22 do t’i mësoni në këtë artikull.

Ekipi me bazë në Ukrainë, Natus Vincere për momentin renditet në vendin e parë në listën e ekipeve të botës.

Në krye me lojtarin më të mirë të botës s1mple, ekipi i Na’Vi ka arritur të dominojë skenën e CS:GO në vitin 2021 duke fituar një numër të madh të turneve profesional, si dhe turneun major i cili u mbajt në Stokholm të Suedisë.

Lojtari më i vjetër në formacionin e ekipit Na’Vi, është legjendari s1mple, i cili është pjesë e ekipit prej afro gjashtë vitesh.

Ndryshimi i fundit në ekipin ukrainas ka qenë ardhja e lojtarit nga ekipi i akademisë së tyre Valeriy “b1t” Vakhovskiy, i cili ka treguar lojë fantastike, dhe është renditur në vendin e nëntë në listën e lojtarëve më të mirë të botës nga HLTV në vitin 2021.

Ndërkaq shuma e fituar e çmimeve nga ekipi i Na’Vi arrin vlerën rreth katër milionë euro në garat profesionale gjatë vitit 2021/22.

Më poshtë e gjeni listën e plotë të ekipit Na’Vi si dhe rezultatet nga garat e vitit 2021/22:

/Telegrafi/