Një tërmet me magnitudë 7.4 godet Indonezinë, humb jetë një person
Një tërmet me magnitudë 7.4 ballë goditi Detin Molucca pranë ishullit Ternate të Indonezisë të enjten herët, duke ia marrë jetën të paktën një personi.
Tërmeti, i cili goditi në orën 06:48 në një thellësi prej 35 km, shkaktoi paralajmërime për cunami të cilat që atëherë janë tërhequr, transmeton Telegrafi.
Një grua 70-vjeçare në Sulawesi-n e Veriut vdiq pasi u shtyp nga rrënojat e ndërtesave, dhe një person tjetër theu këmbën pasi u hodh nga një ndërtesë, raportoi agjencia kombëtare e lajmeve Antara.
Ndërsa rajoni përjeton nivele të larta të aktivitetit sizmik, disa banorë i thanë BBC-së se ky ishte një nga tërmetet më të forta që kanë ndjerë në të paktën gjashtë vitet e fundit.
Qendra e Paralajmërimit për Cunam në Paqësor me seli në Havai fillimisht paralajmëroi se valët e cunamit më pak se 0.3 m "ishin të mundshme" përgjatë brigjeve të Guamit, Japonisë, Malajzisë, Papua Guinesë së Re, Filipineve dhe Tajvanit. Alarmi për cunami u hoq pas dy orësh.
Gazetarja Isvara Safitri, e cila jeton në Manado qendrore, kujtoi se si mobiljet në dhomën e saj u drodhën për disa sekonda. /Telegrafi/