Udhëheqësit lituanez përshëndetën një "ngjarje historike", pasi Gjermania të hënën filloi vendosjen e trupave në vendin baltik - një anëtar i NATO-s - duke shënuar herën e parë që nga Lufta e Dytë Botërore që forcat gjermane do të stacionohen jashtë vendit në një bazë.
Dhjetëra ushtarë mbërritën në Lituani, duke ndërtuar bazën për 150 tjerë për t’u bashkuar me ta më vonë këtë vit. Numri i trupave të dislokuara pritet të arrijë në 5 mijë deri në fund të vitit 2027, transmeton Telegrafi.
“Kjo është hera e parë që ne kemi stacionuar një njësi të tillë jashtë Gjermanisë”, tha ministri gjerman i Mbrojtjes, Boris Pistorius në Berlin në një ceremoni lamtumire për komandën paraprake të brigadës lituaneze-gjermane, sipas agjencisë gjermane të lajmeve dpa.
Pistorius e quajti atë "një ditë të rëndësishme për ushtrinë gjermane".
Në kryeqytetin e Lituanisë, Vilnius, ministri i Mbrojtjes, Laurynas Kasciunas, tha se masa ishte "një shembull i shkëlqyer" për të gjitha vendet në krahun lindor të NATO-s, në kufirin me Rusinë dhe aleatin e saj, Bjellorusinë.
“Do të krijojmë një arkitekturë të tillë mbrojtjeje dhe parandalimi që asnjë kundërshtar nga lindja nuk do të mendojë as për testimin e Nenit 5 të NATO-s”, u tha ai gazetarëve. /Telegrafi/