Nënshkruhen marrëveshje për furnizim me ujë dhe për sistem kanalizimi në Pollog
22/03/2016
Sot është nënshkrua një marrëveshje për financim të projekteve për rekonstruim të rezervoareve të ujit të sistemit për furnizim dhe për ndërtim të sistemit të kanalizimit në rajonin e Pollogut, transmeton Telegrafi Maqedoni.
Marrëveshja është nënshkruar në komunën e Bogovinës ndërmjet ministrit për ambient jetësor dhe planifikim hapësinor, Nurhan Izairi, dhe kryetarit të Bogovinës, Hazbi Idrizi.
Rezervoari i ujit do të ndërtohet në Sellarcë të epërme, kurse sistemi i kanalizimit do të ndërtohet në Pirok. Projekti përfshihet në programin e investimeve për ambient jetësor për vitin 2016 dhe duhet të përfundojë brenda tre muajsh./Telegrafi/