Ndeshjet kualifikuese PGL AMERICAS RMR CS:GO kanë filluar

Sot (e hënë) kanë filluar ndeshjet e CS:GO PGL AMERICAS RMR, të cilat po mbahen në Bukuresht të Rumanisë, përballje këto ku ekipet do të takohen me njëra-tjetrën për të siguruar një vend në majorin e madh PGL Major Antwerp.

Kanë përfunduar tashmë ndeshjet e para të kualifikimeve për PGL Major Antwerp për ekipet e rajonit të Amerikës.

Tetë ndeshjet e zhvilluara në formatin ‘bo1’ kanë përfunduar dhe tashmë dihen fituesit, ekipi i veteranëve Imperial ka dalë fitues në ndeshjen e parë duke e mposhtur ekipin Sao Caetano, 16:12.

Gjithashtu ekipi i coldzera-s ish-lojtarit më të mirë të botës, arriti që ta mposhtë ekipin Liquid me rezultat 16:8, ndërsa favoriti i kësaj ngjarje FURIA fitoj me rezultat të thellë kundër Leviatan, 16:4.

Ekipi i cili arrin të fitojë tri ndeshje, siguron vendin për në Major, ndërsa ekipi i cili humb tri ndeshje eliminohet nga turneu.

Këto janë rezultatet e ndeshjeve të para, si dhe orari i ndeshjeve të dyta të cilat do të zhvillohen shumë shpejt.

Ndeshjet e radhës të cilat zhvillohen sot (e hënë):

17:50  Party Astronauts – Leviatan17:50 FURIA – Isurus18:20 Case – Imperial18:20 Sao Caetano – Bad News Bears20:00 Complexity – 00Nation20:00 Liquid – TeamOne 21:00 MIBR – paiN21:00 Evil Geniuses – 9z

/Telegrafi/