20:"Photo:RIDVAN SLIVOVA
13/03/2024
Qeveria e Kosovës në mbledhjen e së mërkurës ka ndarë 520 mijë euro për renovimin e objektit të Institutit të Mjekësisë Ligjore.
Ky objekt ishte përfshirë nga zjarri rreth katër muaj më parë, me ç’rast ishin djegur dy zyra.
Kërkesa për renovimin e këtij objekti është bërë nga Ministria e Drejtësisë.
“Nga ministria e Drejtësisë kemi pranuar kërkesën për ndarjen e 520 mijë eurove dhe kjo kërkesë ndërlidhet me nevojën për renovimin e kulmit dhe rikonstruksionin e hapësirave të brendshme në objektin e Institutit të Mjekësisë Ligjore, pas zjarrit dhe dëmeve që kanë ndodhur në atë objekt”, tha para kabinetit qeveritar ministri i Financave, Hekuran Murati. /Telegrafi/