Ndeshja mes Chelseat dhe Manchester Unitedit përfundoi me rezultat 2-2, por fundi i takimit ishte dramatik së në fushë, ashtu edhe jashtë saj.
Në momentin që Blutë barazuan rezultatin në minutat shtesë të takimit me anë të Ross Barkley, banka rezervë e klubit nga Londra shpërtheu nga gëzimi.
Por, ishte asistenti i Maurizio Sarrit, Marco Ianni, që e teproi paksa me festën e tij.
Njeriu që ishte së bashku me trajnerin italian edhe te Napoli festoi golin e Barkleyt te banka e Unitedit dhe në një moment u ndal para Jose Mourinhos.
Kjo nuk i pëlqeu aspak trajnerit të Djajve të Kuq, i cili menjëherë iu vërsul Iannit.
Kontakti fizik mes të dyve nuk ndodhi pasi sigurimi dhe pjesëtarë të stafit nga të dy anët ndërhyrë shumë shpejtë.
Edhe pse nuk kishe mbetur shumë minuta në fushë, ky incident mjaftoi që edhe mes lojtarëve të tensionohen raportet. /Telegrafi/