Gjatë ditës shërben për ulje, natën për gjumë, ndërsa në shumë modele ofron edhe hapësirë të fshehur për ruajtje
Pikërisht këtu hyn në lojë një zgjidhje që vitet e fundit po dominon në interierë dhe po ndryshon mënyrën e jetesës në banesa më të vogla.
Bëhet fjalë për divanin shtrat, një mobilje që në shikim të parë duket si garniturë e zakonshme, por në praktikë bëhet çelësi i një shtëpie funksionale dhe të organizuar.
Përparësia kryesore e kësaj mobiljeje është shumëfunksionaliteti. Gjatë ditës keni një hapësirë të rehatshme për ulje, ndërsa natën i njëjti vend shndërrohet në shtrat për gjumë.
Në praktikë, kjo do të thotë një gjë: më pak mobilje, më shumë hapësirë.
Në banesat ku nuk ka vend për dhomë të veçantë gjumi, kjo zgjidhje mundëson që një dhomë të ketë më shumë funksione, pa krijuar ndjesinë e ngushtësisë, transmeton Telegrafi.
Kursim maksimal i hapësirës pa kompromis
Një nga përparësitë më të mëdha të divanit shtrat është se e eliminon nevojën për një krevat shtesë, duke krijuar automatikisht:
– më shumë hapësirë të lirë për lëvizje
– mundësi që dhoma e ditës të shndërrohet edhe në dhomë gjumi
– organizim më të lehtë të ambientit
Në vend që hapësira të ndahet me mure dhe ndarje, ajo përshtatet sipas nevojave të ditës. Kjo është edhe baza e banimit funksional në hapësira të vogla.
Dizajn modern që e bën hapësirën të duket më e madhe
Divanët shtrat bashkëkohorë nuk kanë më shumë lidhje me modelet e dikurshme, të mëdha e të rënda. Sot, ata janë mobilje me linja të pastra, ngjyra neutrale dhe dizajn minimalist.
Një pamje e tillë nuk është vetëm estetikisht e këndshme, por ndihmon edhe në krijimin e përshtypjes së një hapësire më të madhe. Për këtë arsye, kjo mobilje përshtatet lehtë pothuajse me çdo stil interieri.
Hapësira e fshehur për ruajtje, detaji që ndryshon gjithçka
Ajo që shumë modele ofrojnë shtesë është edhe hapësira e integruar për ruajtje, gjë që e bën këtë mobilje edhe më praktike.
Në një mobilje të vetme fitohen tri funksione: ulje, gjumë, ruajtje.
Në banesa të vogla, ku shpesh mungon vendi për gjëra, kjo zgjidhje bën dallim të madh në organizimin e përditshëm.
Zgjidhje për stile të ndryshme jetese
Edhe pse është ideale për banesa të vogla, divani shtrat nuk është i rezervuar vetëm për to. Ai është po aq praktik edhe për studentë dhe qiramarrës, çifte të reja, dhoma mysafirësh, banesa me qira.
Veçanërisht vjen në shprehje në rastet kur keni mysafirë. Për vetëm pak sekonda, hapësira shndërrohet nga zonë dite në zonë gjumi.
Si ta zgjidhni divanin shtrat të duhur
Për ta shfrytëzuar sa më mirë këtë mobilje, është e rëndësishme t’u kushtoni vëmendje disa gjërave kryesore:
– mekanizmi i hapjes duhet të jetë i thjeshtë dhe i qëndrueshëm
– cilësia e dyshekut është shumë e rëndësishme, sidomos nëse përdoret për gjumë të përditshëm
– përmasat duhet t’i përshtaten hapësirës, jo hapësira mobiljes
– materiali duhet të jetë praktik dhe i lehtë për mirëmbajtje
Një divan shtrat i zgjedhur mirë nuk është vetëm shtesë praktike, por investim afatgjatë në komoditetin dhe funksionalitetin e shtëpisë.
Truku i rëndësishëm
Nëse dëshironi që hapësira të duket edhe më e rregullt dhe më e madhe, vendoseni divanin shtrat pranë murit dhe kombinojeni me hapësira vertikale për ruajtje, si rafte ose dollapë.
Duke shfrytëzuar lartësinë e dhomës, lirohet dyshemeja dhe automatikisht krijohet ndjesia e një banese më të madhe dhe më të organizuar.
Pikërisht divani shtrat tregon se si një mobilje e zgjedhur mirë mund të ndryshojë mënyrën se si jetoni, organizoni dhe e përjetoni shtëpinë tuaj. /Telegrafi/