Milot Rashica është kthyer në aksion më Kosovën, duke qenë pika më pozitive në ndeshjen ndaj Maltës.
Sulmuesi vushtrrias shënoi dy herë në këtë ndeshje, duke i dhënë Kosovës, fitoren e dytë brenda disa ditësh.
Rashica që kaloi një vit jo të mirë ku ishte i kushtëzuar nga dëmtim, nuk u paraqit në lartësinë e tij as te Werder Bremen, shkruan Telegrafi.
Ai nuk u paraqit në shumë ndeshje edhe për Kosovën, ndërsa mungesa e tij u vërejt më së shumti në ndeshjen e play-offit ndaj Maqedonisë së Veriut ku pësuam 2-1.
Rashica e ka gjetur golin me Kosovën pas plot dy vitesh.
Ndeshja e fundit që ai kishte shënuar është ajo me Bullgarinë në Sofje, ku fituam 3-2 me 10 qershor të vitit 2019, shkruan Telegrafi.
Këto dy gola mund të jenë një moment kthese i rëndësishëm për lojtarin, që kërkon ngjitjen në karrierë. /Telegrafi/