Reperi i njohur Lumi B ka një karrierë mjaft të gjatë në muzikën hip hop.
Ai e nisi karrierën bashkë me mikun e tij Vig Poppen si themelues të grupit “Kaos”, gjersa vazhdojnë të jenë shumë të kërkuar në treg edhe si rap-artistë ‘single’.
Dashurinë e madhe për rap-in, Lumi B duket ta ketë pasur që kur ka qenë shumë i vogël, ndërsa vetëm dashuria e familjes duket të jetë edhe më e madhe për të.
Kështu së paku ka lënë të kuptohet një fotografi që Lumi B ka publikuar së fundmi në rrjetet sociale, ku shfaqet bashkë me bashkëshorten e tij, dhe në mbishkrimin e fotografisë shkruan: “Mas pari ty, tani repin” (sic.).
Ata janë një çift shumë i lumtur dhe që kuptohen mirë mes vete, ndërsa martesa e tyre martesa e tyre shumëvjeçare gëzon edhe një djalë, të cilin e kanë pagëzuar me emrin Blini. /Telegrafi/