Liz Truss ia doli të pamundurën: Nga kryeministrja britanike në anonimitet të plotë

Politikanët dhe veçanërisht ata në poste qeveritare, rrallë mund të mos bien në sy në rrugë, në dyqane ose në ngjarje të caktuara. Megjithatë, ish-kryeministrja e Britanisë së Madhe, e njohur për qeverisjen prej 45 ditësh të vendit, ia doli.

Gjegjësisht, ish-kryeministrja britanike ka marrë pjesë në garat me kuaj në pistën Goodwood, por duket se, duke gjykuar nga reagimi i moderatorit, pesë minutat e saj të famës kanë kaluar prej kohësh.

Një reporter i ITV në audiencë njohu ekzekutivin skocez të naftës, James Hay dhe qëndroi në shoqërinë e tij, duke i bërë disa pyetje rreth garave me kuaj.

Dhe ndërsa Hay i shpjegoi audiencës këshillat e garave me kuaj, Liz Truss qëndroi pranë tij. Mirëpo, prezantuesi nuk e njohu dhe pasi ai përfundoi fjalimin e tij, vazhdoi me programin.

Megjithatë, komentuesi i garës Richard Hoiles mbeti në këtë moment dhe bëri shaka me kolegun e tij në kabinën e komenteve.

"Kjo ishte Liz Truss, apo jo?"

“Ajo ishte, sytë nuk po më mashtrojnë”, u përgjigj kolegu i tij.

Ndryshe, mandati i Liz Truss përfundoi në mënyrë të palavdishme, duke qenë se ajo ishte vetëm 45 ditë në postin e kryeministres.

Edhe pse përfundoi mandati i saj i shkurtër gjashtë-javor si kryeministre e Mbretërisë së Bashkuar, Liz Truss kishte të drejtën e pagesës vjetore prej mbi 134 mijë euro (115 mijë funte).

Përveç kësaj, Truss ka të drejtë për një pension deri në 10 për qind të shtesës prej 134 mijë euro. /Telegrafi/