Lazio është rikthyer nga humbja në ndeshje ndaj Fiorentinës, duke triumfuar në fund me rezultat 2-1.
Fillimi i ndeshjes ishte shumë i fortë me disa raste. Manuel Lazzari (Lazio) dhe Franck Ribery (Fiorentina) ishin afër të shënonin në gjashtë minutat e parë të ndeshjes .
Por Fiorentina e mori epërsinë në minutën e 25-të të takimit pas një goli shumë të bukur të Ribery.
37-vjeçari mori një top jashtë zonës dhe filloi driblimin, duke i lënë të shtangur Marco Parolon dhe Patric, pastaj kaloi edhe Francesco Acerbin për të shënuar për 1-0.
Lazio provoi ta barazojë në pjesën e parë, por nuk ia arriti.
Pjesa e dytë ishte më e mirë për kryeqytetasit, pasi rritën presion dhe rastet para portës së Fiorentinës.
Për të ardhur te goli i barazimit Lazio u desh të pres deri në minutën e 67-të, kur edhe fituan penallti.
Nga pika e bardhë i saktë doli Ciro Immobile për (1-1).
Con penal dudoso, Immobile pone el empate para el Lazio ??
Lazio 1⃣ ? Fiorentina 1⃣#SerieA ??pic.twitter.com/YqhMyiVmzG
— Danhi Romero (Tipster) ⚾??⚽ (@danhiromero) June 27, 2020
Lazio tentonte fitoren, ndërsa Fiorentina rrezikonte nga kundërsulmet, ku shpesh ishte edhe e rrezikshme.
Goli i fitores erdhi në minutën e 83-të, kur Luis Alberto shënoi me një goditje të bukur jashtë zonës.
Me këtë fitore Lazio ka 65 pikë, katër më pak se Juventusi që është lider. /Telegrafi/