Sulmuesi i Interit, Lautaro Martinez thuhet se ka refuzuar kalimin te Manchester Unitedi, pasi dëshira e tij është të luaj te Barcelona, së bashku me Lionel Messin.
Ole Gunnar Solskjaer është ende i prirur të nënshkruajë me një sulmues të klasit të lartë pas transferimit të Odion Ighalo në afatin e janarit.
Ylli argjentinas i Interit, Martinez me sa duket ka dalë si objektiv kryesor për sulmin e tyre.
Megjithatë, sipas rrjetit televiziv ESPN, Unitedi do të humbasë garën për nënshkrimin e yllit të Interit, pasi sulmuesi argjentinas preferon një transferim te Barcelona.
Barcelona është e interesuar për të zëvendësuar 33-vjeçarin Luis Suarez dhe kampionët spanjollë duket se janë favorit për nënshkrimin e tij.
Raportohet se Lautaro dëshiron të luajë përkrah bashkëkombësit të tij, Lionel Messi, në nivel klubi.
Transferimi i 22-vjeçarit nuk do të jetë i lehtë pasi Interi është i interesuar të rinovojë kontratën e tij dhe të heq ose ta rris klauzolën e tij prej 110 milionë eurosh.
Për Martinezin interesim ka shprehur edhe Manchester City. /Telegrafi/