Komisioni për Antikorrupsion do të hetojë shpenzimet nga buxheti në institucionet shtetërore

Komisioni për Antikorrupsion do të hetojë se si shpenzohen parat nga buxheti në institucionet dhe shoqëritë shtetërore dhe publike.

Në fokus do të jenë Kuvendi, shfrytëzimi i shpenzimeve rrugore, do të hetohen vendimet për shfrytëzimin e veturave zyrtare, për përfaqësi, kompensime për transport, për banesë.

Pas disa raportimeve në media janë hapur hetime edhe për të punësuarit e afërm në Ministrinë e Vetëqeverisjes lokale dhe për shfrytëzimin e veturave zyrtare për qëllime personale.

Komisioni për Antikorrupsion do të hetojë edhe mënyrën e përzgjedhjes së hapësirave të zyrave të ish-presidentëve të Maqedonisë së Veriut./Telegrafi/