Pjesëtarët e familjes së famshme Kardashian/Jenner kanë nënshkruar një marrëveshje shumëmilionëshe për vazhdimin e serialit televiziv “Keeping Up With The Kardashians” për pesë sezone të tjera.
Klani i popullarizuar do të përfitojë 150 milionë dollarë, nga 30 milionë për sezon dhe ato do t’i ndajnë ndërmjet anëtarëve të familjes.
Sipas The Blast, në marrëveshje janë përfshirë edhe ngjarjet speciale dhe promocionet që lidhen me anëtarët e Kardashian/Jenner.
Duke iu falënderuar aftësive negociuese të Kris Jenner, kjo është marrëveshja më luksoze në histori për një shou real televiziv.
TMZ raporton se nëna e famshme do të përfitojë 15 milionë dollarë vetëm për arritjen e marrëveshjes.
Është një procedurë standarde për menaxherët në Hollywood që të marrin 15 për qind të marrëveshjes, mirëpo 61-vjeçarja i ka marrë vetëm 10 për qind për shkak të familjes.
Lloji i marrëveshjes i nënshkruar me E!, nënkupton se anëtarët e familjes do të vendosin vet se si do t’i ndajnë paratë.
Burimet e The Blast kanë thënë se tashmë xhirimet kanë filluar për sezonin e 15-të të “Keeping Up With The Kardashians”.
Shikueshmëria mund të rritet në vitin e ardhshëm kur pritet që Khloe Kardashian dhe Kylie Jenner të bëhen nëna. /Telegrafi/
