Katër të arrestuar dhe supermakina të sekuestruara – pasi ‘shqetësuan arinjtë dhe ujqërit’ në një park kombëtar në SHBA
27/06/2025
Katër persona janë arrestuar në Parkun Kombëtar Grand Teton pasi dyshohet se morën pjesë në gara me makina luksoze në rrugët e parkut.
Sipas Shërbimit të Parkut Kombëtar, ata ishin pjesë e ngjarjes automobilistike “Nu Rally”.
Ngjarja u konsiderua e rrezikshme, pasi zona është e vizituar nga miliona turistë çdo vit dhe strehon kafshë të rrezikuara si arinjtë dhe ujqërit gri.
Për të ndaluar garuesit, u angazhuan 12 roje të parkut në pika të ndryshme kontrolli.
Drejtori i parkut, Chip Jenkins, e quajti sjelljen “të papërgjegjshme dhe të papranueshme”.
Autoritetet kanë paralajmëruar se ndaj të arrestuarve mund të ngrihen akuza shtesë. /Telegrafi/