Luis Suarez thuhet se është vënë në listën e lojtarëve që do të largohen nga Barcelona.
Katalunasit planifikojnë ndryshime të mëdha pas turpërimit nga Bayern Munichu në Ligën e Kampionëve, ndërsa uruguaiani është njëri prej atyre që mund të largohen.
33-vjeçari ka edhe një vit në kontratën e tij, por edhe një klauzolë që aktivizohet automatikisht për një vit shtesë, në rast se luan në 60 për qind të ndeshjeve të sezonit të ardhshëm.
Por, sipas Mundo Deportivo, planet e klubit kanë ndryshuar dhe ai mund të largohet për t’i liruar vend transferimit të Lautaro Martinezit nga Interi.
Është raportuar se vetëm pesë lojtarë janë të sigurt te Barcelona. Tre nga ekipi senior (Marc Andre Ter Stegen, Frenkie de Jong dhe Lionel Messi), si dhe dy talentë (Ansu Fati dhe Riqui Puig). /Telegrafi/