Juventusi thuhet se ka kontaktuar tash së fundmi Jurgen Kloppin për ta transferuar atë nga Liverpooli si zëvendësues të Massimiliano Allegrit.
Sipas gazetarit italian, Tancredi Palmeri, Zonja e Vjetër ka filluar bisedimet me persona të afërt që ta bindin trajneri gjerman që në verë të transferohet në Allianz Stadium.
Juventusi konfirmoi të premten e kaluar se Allegri do të largohet nga klubi në fund të këtij sezoni, pas pesë vitesh qëndrimi në Torino.
Ai fitoi pesë tituj radhazi të Serie A , mirëpo ka dështuar të triumfojë në Ligën e Kampionëve, edhe pse arriti dy herë në finale.
Mësohet se Jurgen Klopp është duke refuzuar që të largohet nga Anfield Road, megjtihatë gazetari italian ka raportuar se Juve e dëshiron transferimin e tij.
“Klopp është kontaktuar nga Juventusi, por pa ndonjë marrëveshje”, ka shkruar Palmeri në llogarinë e tij në Twitter. /Telegrafi/