15/02/2021
Isa Mustafa ka dhënë dorëheqje nga pozita e kryetarit të Lidhjes Demokratike të Kosovës.
Kështu bëjnë të ditur burime të Telegrafit.
Dorëheqja e Mustafës nga pozita e kryetarit të LDK-së erdhi pas rezultateve të dobëta të kësaj partie në zgjedhjet e 14 shkurtit.
Në këto zgjedhje LDK deri tani ka 13,18 % apo 102 mijë e 616 vota. Kurse në zgjedhjet e 6 tetorit 2019, LDK ishte renditur e dyta me 24,54% apo 206 mijë e 516 vota.
Lidhja Demokratike e Kosovës në këto zgjedhje nuk ka arritur të dalë e para në asnjë komunë, madje ky subjekt ka shënuar humbje edhe në disa prej komunave të cilat me vite kanë qenë bastione të saj. /Telegrafi/