Ivana Knoll, e njohur si tifozja më e famshme kroate, ka mbërritur në Dallas për të ndjekur ndeshjen e Kroacisë kundër Anglisë në Kampionatin Botëror.
Ajo tha se ky është Botërori i katërt që ndjek nga afër, pas atyre në Brazil, Rusi dhe Katar.
Sipas saj, Rusia solli rezultatin më të mirë për Kroacinë, ndërsa Katari ishte një përvojë e veçantë.
Knoll theksoi se ka pritshmëri të mëdha nga kombëtarja kroate, duke deklaruar se ajo 'nuk luan kurrë për pak'.
Ajo gjithashtu tregoi se së fundmi performoi si DJ në festivalin e tifozëve të FIFA-s në Los Angeles, ku u shitën rreth 40 mijë bileta.
Sipas saj, fokusi kryesor i karrierës së saj tani është muzika, por ajo do të vazhdojë gjithmonë të mbështesë përfaqësuesen kroate dhe të marrë pjesë në turnetë e mëdha.
Knoll beson se Kroacia mund të arrijë deri në finale dhe shtoi se, edhe pse skuadra aktuale nuk është domosdoshmërisht më e forta, kroatët kanë treguar shpesh se dinë të surprizojnë dhe të kenë sukses në momentet vendimtare.
Ndeshja e parë e Kroacisë në këtë Botëror luhet sonte kundër Anglisë. /Telegrafi/