Ish-lojtari i Barcelonës: Messi pati fjalën e fundit, ai vendosi që unë të bëhesha pjesë e klubit
Kevin-Prince Boateng, i cili pati një periudhë të shkurtër te Barcelona, ka zbuluar se kishte nevojë për miratimin e Lionel Messit përpara se të finalizonte transferimin e tij në ‘Camp Nou’, duke nënvizuar ndikimin e madh të yllit të Inter Miami në marrëveshjet e afatit kalimtar gjatë kohës së tij te klubi katalanas.
“Para se të shkoja te Barcelona, ata kishin dy drejtorë sportivë. Njëri prej tyre ishte Eric Abidal. Ai tha, ‘Po, të duam.’ Pastaj tjetri tha, ‘Të duam.’ Presidenti tha, ‘Të duam.’”.
“Trajneri tha, ‘Të duam.’ Dhe unë thashë, ‘Perfekt, nesër nënshkruaj.’ Ata thanë, ‘Jo, duhet të flasim me Leon më parë”.
“Unë thashë, ‘Çfarë doni të thoni?’ Ai tha, ‘Po, duhet të flasim me Leo.’”.
🚨 Kevin Prince Boateng confirma que el SI final para poder fichar por el Barcelona lo dio el Dictador de Vestuario Leonel Messi
(Siempre tuvimos razón, Messi destruyó al Barcelona y. Laporta tuvo razón votándolo) pic.twitter.com/gXpTie4S3N
— Arielipillo (@arielipillo) November 29, 2025
“Ai kishte atë pushtet. Kështu që do shkoja të flija duke shpresuar që Leo të më pëlqente ose të më shihte në ekip”.
“Unë thashë, ‘Nesër mund të nënshkruaj fanellën time me Barcelona, por nëse Leo thotë jo, nuk do të nënshkruaj kontratën time’”.
“U zgjova në mëngjes dhe ata thanë, ‘Gjithçka mirë.’ Dhe unë thashë, ‘Oh, në rregull’”, ka deklaruar Boateng./Telegrafi/