iPhone Ultra i palosshëm do të ketë MagSafe, zbulohen detaje të reja

Apple pritet të prezantojë iPhone-in e parë të palosshëm, i cili sipas thashethemeve do të quhet iPhone Ultra, në ngjarjen e 9 shtatorit.

Para prezantimit, Mark Gurman nga Bloomberg ka zbuluar disa detaje të reja për funksionet dhe çmimin e pajisjes.

Një nga dilemat kryesore duket se është zgjidhur: iPhone Ultra pritet të mbështesë karikimin MagSafe, pavarësisht se renderët e publikuar dhe modelet e testimit nuk tregojnë unazën magnetike karakteristike.

Gurman beson se Apple do të jetë në gjendje ta integrojë MagSafe, pasi kompania ka arritur ta vendosë këtë teknologji edhe në modelin e hollë iPhone Air. Sipas raportimeve, iPhone Ultra mund të ketë një trashësi prej vetëm 4.5 milimetrash kur është i hapur.

Pajisja pritet të ketë një ekran të jashtëm 5.5 inç dhe një ekran fleksibël të brendshëm prej 7.8 inçësh. Palosja në ekran thuhet se do të jetë disi më pak e dukshme krahasuar me atë të Samsung Galaxy Z Fold8.

Ndër veçoritë e tjera të përfolura janë dy kamera të pasme, çipi dhe modemi më i ri i Apple, si dhe një menteshë më e qëndrueshme për mekanizmin e palosjes. Sipas analistëve, iPhone Ultra fillimisht mund të jetë i disponueshëm në sasi të kufizuara. /Telegrafi/