28/02/2022
Kompania Frutex filloi vitin 2022 me sukses pasi listës se vendeve të eksportit ju shtua edhe India, ku sot filloi eksporti i parë. Kjo prapë sjell në fokus ndërkombëtar kompaninë Frutex dhe përkatësisht produktin Golden Eagle.
Produkt ky që ka shkruar historinë e kompanisë Frutex si dhe është një ndër produktet e vetme që Kosova mund të krenohet me suksesin ndërkombëtar që ka arritur, kjo duke u eksportuar në mbi 30 vende të botës.
E gjitha kjo është arritur falë cilësisë dhe kualitetit ndërkombëtar që ka pija energjike Golden Eagle.
Kompania Frutex synon që brenda vitit 2022 të zgjeroj shtrirjen e produkteve të saj në tregjet botërore, respektivisht të shumëfishoj eksportin.