Megan Thee Stallion ka nevojë për ‘një pushim’
Reperja e “Hot Girl Summer” e bëri të ditur lajmin përmes Twitter, pasi u tha se shtëpia e saj në Los Angeles ishte grabitur teksa ishte në Neë York duke u përgatitur për në “Saturday Night Live”.
"Gjërat materiale mund të zëvendësohen, por jam e kënaqur që të gjithë janë të sigurt”, shkroi ajo. "Më vjen keq, por pas SNL, me të vërtetë duhet të bëj një pushim, jam shumë e lodhur, fizikisht dhe emocionalisht”.
Shtëpia e interpretuesues 27-vjeçare në Los Angeles u thye të enjten në mbrëmje, me hajdutët që morën 300 mijë dollarë (308.535) euro deri në 400 mijë (411.380 euro) para të gatshme dhe bizhuteri.
Sipas TMZ , dy burra të veshur me kapuç dhe doreza thyen një derë xhami në pjesën e pasme të shtëpisë së reperes.
Nga atje, ata morën rrugën për në dhomën e gjumit të Meganit.
Policia nuk ka bërë asnjë arrestim, por ka video të ngjarjes.
Përveç angazhimit në "SNL", kanë qenë disa muaj mjaft të zënë për yllin e "WAP".
Ajo publikoi një album, "Traumazine", gjatë verës që përmbante bashkëpunime me Dua Lipën, Future, Jhene Aiko, Pooh Shiesty dhe Rico Nasty. /Telegrafi/
