Sulmuesi i Juventusit, Gonzalo Higuain, ka pranuar se nuk dëshiron të kthehet në Argjentinë dhe ka pohuar se ka edhe një vit në kontratën e tij me Zonjën e Vjetër.
E ardhmja e argjentinasit në Allianz Stadium është e paqartë, mirëpo ai nuk do të ndërmarrë ndonjë veprim, para se të takohet me trajnerin e ri, Andrea Pirlo.
“Jam mirë tash, do të pushoj dhe do të mendoj. Me datën 24 do të kthehem në stërvitje, ndërsa kam edhe një vit në kontratën time në Itali.
“Do ta prezantoj veten dhe do të shoh se çfarë do të ndodhë me trajnerin e ri. Padyshim që do të jetë një dinamikë ndryshe”, ka thënë Higuain për Fox Sports.
Kur është pyetur për mundësinë e kthimit te River Plate, ka thënë që do të kthehet, ndërsa sa i përket MLS, është shprehur se do të presë të shohë se çfarë do të ndodhë. /Telegrafi/