Hetim ndaj katër personave, e sulmuan dhe i morën 200 mijë denarë një personi nga Shkupi

Prokuroria Themelore Publike në Shkup ka filluar hetim kundër katër personave – dy burra dhe dy gra, për vepër penale "Grabitje" sipas nenit 237, paragrafi 4, në lidhje me paragrafin 1 të Kodit Penal, sepse të katër, në grup, i kanë marrë një personi me forcë 200 mijë denarë.

"Më 30 tetor, i dëmtuari ka shkuar në një motel në Shkup me njërën nga të dyshuarat femra, pas së cilës ajo i ka sugjeruar që të telefonojë një vajzë tjetër. I dëmtuari është pajtuar dhe i dyshuari e ka telefonuar gruan tjetër, dhe së bashku e kanë bindur të dëmtuarin të shkojë në një “hotel më të mirë dhe më të lirë”".

"Duke dalë nga dhoma, në oborrin e errët të motelit, ata janë takuar nga dy burrat që kishin rënë dakord me gratë dhe së bashku e kanë sulmuar të dëmtuarin. E kanë goditur me grushte në kokë dhe trup derisa e kanë rrëzuar përtokë, dhe i kanë marrë paratë, telefonin celular dhe kartën e identitetit nga xhepat e tij".

"Prokurori Publik i paraqiti propozim gjyqtarit të procedurës paraprake të Gjykatës Themelore Penale në Shkup për të përcaktuar masën e paraburgimit për të katër të dyshuarit, për shkak të rrezikut të arratisjes dhe mundësisë së përsëritjes së krimit", thonë nga Prokuroria.

Për njërën nga të dyshuarat femër, e cila është në arrati pas kryerjes së krimit, paraburgimi do të fillojë të zbatohet nga momenti që ajo të gjendet dhe të privohet nga liria.