Haradinaj pritet nga familja e dëshmorit Halil Berisha: Kjo familje Atdheun e vendosi mbi çdo gjë tjetër
Kryetari i AAK-së, Ramush Haradinaj, është pritur sot për një vizitë nga familja e dëshmorit Halil Berisha në Irzniq të Deçanit.
Haradinaj, në një postim në Facebook, ka thënë se në truallin e kësaj familje ka qenë i vendosur spitali ushtarak në Zonën e Dukagjinit.
“Mikpritje shqiptare në familjen e dëshmorit Halil Berisha, në Irzniq të Deçanit, nga i biri i tij, Gëzimi. Në truallin e kësaj familje ka qenë i vendosur spitali ushtarak në Zonen e Dukagjinit”, ka shkruar ai.
Haradinaj ka thënë se Familja Berisha vlerat e lirisë dhe atdheut i kishte vendosur mbi çdo gjë tjetër në jetë.
“Familja Berisha vlerat e lirisë dhe atdheut i vendosi mbi çdo gjë tjetër në jetë, prandaj kujdesi dhe nderimi ynë për pasardhësit, është obligim i përhershëm”, ka shkruar në fund ai.